Raggi í Canada

Þvílíkur morgun...! "Þorn"-"Vaff"-"ÍLÍKUR" Morgun...!
Eftir að hafa vakað alla nótt til þess að undirbúa æfingartökur á hálftíma sjónvarpsþætti þá kom ég í stúdeóið klukkan 8:00 til þess að vita að tvö atriði sem átti að nota sem innfyllingu voru ekki tilbúin... Svo var fullt annað sem varð að redda á mettíma fyrir tökurnar og það virtist sem að klukkan var líka á kaffein trippi því hún flaug mun hraðari áfram en vanalega...
Ég var alveg að missa vitið því á meðan ég var að "jöggla" (íslenskt afskræming af sögninni "to juggle") fólkinu niðri í sjónvarpsverinu, fólkinu í stjórnklefanum og fólkinu að græja restina þá henti ég vitinu uppí loft líka og sökum hvað ég er með háfleygar hugmyndir þá var erfitt að grípa vitið á milli hinna hlutanna...
En ég hélt sönsum og og geislaði furðu mikilli ró þannig engin stressaðist og allt gékk eins og smurt... og ekki bara vel smurt eins og með venjulegri smurnings olíu... þetta var hágæða smurning úr olíu sem aðeins fæst úr hrægjunum af hraðskreiðu risaeðlunum...
Við tókum nokkrar æfingar og svo eitt fullt hálftíma rennsli og við náðum að klára þáttinn án vandræða... Risa stóru fargi var létt af mér og mér leið vel ("Where do you want me to put down this mountain boss?")...
Ef þetta var ekki eldskírn, þá útskýrið fyrir mér af hverju hárið á mér er sviðið...
Næst er það alvarann með búningum, sviðsmynd og fleira... The Real Deal...!
Nú lít ég björtum augum á næstu viku því þessi óyfirstíganlegi múr af misheppni sem ég var búinn að byggja mér í huganum er kominn með þennan stóra glugga sem ég sé í gegnum og ólæsta hurð sem ég hef nú sparkað upp... Í næstu viku labba ég í gegn... og múrinn mun þá hrynja...

Muniði þegar maður var krakki... og maður var að búa til kakómalt í mjólk... og maður laumaði alltaf auka skeið (ef ekki nokkrum) af kakó í glasið (nammi namm)...
Ég er ennþá þannig...
Þþþþþþþaaaaðaðaðað eeeheheher sammmmmt ekkekkkekkekkert sssssssniðiðiðiiðugtt meðeðeðeðeð "ininninnstanttt" kakakakakakaffffffffiiiii...

"It's 1:45 and aaaallls well..."
Ég er að leggja lokahönd á pappírsvinnuna í kringum loka sjónvarpsþáttinn okkar... Shot list, crew list, call sheet, rundown, timing, lighting plot, floor plan, overhead, set design, props list, program proposal, script, cue sheets, release forms, bla bla, bla bla bla...
Engin furða að fólk gerir ekki lengur heimildarmyndir eða þætti um skóglendi... Það myndi ekki vera neitt eftir sökum pappaeyðslu í kringum framleiðsluna...
P.S. Stálverksmiðjan er á fullu að framleiða ofan í okkur bréfaklemmur og hefti... Mengunin eyskt...

Ég var að tala við fólk á Þorrablótinu um alvöru íslenskan mat...
Ég sagði þeim frá því a við átum tvær tegundir af hval sem nú er bannað að veiða sökum þess að þeir gætu verið í útrýmingarhættu...
Ég endaði svo á setningunni: "But that's how we like our whale meat... Rare..."

Ég gisti hjá Linda á laugardeginum en því miður gat ég ekki verið lengi með honum á sunnudaginn því ég varð að skila mér aftur tilbaka til þess að vinna að nokkrum verkefnum...
Ég náði samt að elda handa okkur Ásdómlegar ommilettur (sökum Þorrablóts þá titla ég þær ekki "guðdómlegar") í morgunmat áður en ég fór... eitthvað sem ég hef ekki gert í marga mánuði... en það á eftir að breytast þegar ég kem heim til Íslands í almennilegt eldhús... Sérstaklega fyrst ég er kominn svo svakalega á bragðið með þetta... ohhhhhmilettur...
Eggjabændur heima athugið... Þið verður að stækka lagerinn fyrir sumarið... Hvernig miðar annars strútsræktuninni sem var minnst á hér einhvern tímann...? Er allt á fullu eða eru bændurnir bara búnir að stinga höfðinu í sandinn...?

Þorrablótið var mjög fínnt... Það vantaði náttúrulega aðal matinn... Ég bjóst við að það mætti flytja mest af því út til Kanada því það er þegar soðið svo sem lifrapylsa og blóðmör (veit ekki í hvaða ástandi hrútspungar eru)... en svo var ekki...
Það var að vísu til rúllupylsa og svo hangikjöt sem var svo þurrt að meira segja úlfaldar ættu í erfiðleikum með að kyngja því...
Það var svo pönnukökur, skyr og annað góðgæti í eftirrétt en það sem flestir kjósa hér er vínarterta... Man ekki alveg hvernig það er því hún var búin áður en ég komst að... en það voru allir að tala um vínartertur allt kvöldið sem eitthvert íslenskt góðgæti...
Svo voru hlutir sem bættir voru við sem áttu alls ekki heima á venjulegu þorrablóti, svo sem reykt svínakjöt og kalkúnn... og loks var rammíslensk ávaxta súpa (wha?) í desert líka... Man ekki að hafa lesið um svoleiðis í Íslendingasögunum... en ég gæti haft rangt fyrir mér hér, fylgdist ekki það vel með í tímum (*hóst*einmitt*hóst*)...

Mikið var ég öfundaður í gær við grillið þar sem var boðið uppá fría hamborgara... Það voru allir að éta sóðaborgara á meðan ég kom með ost til að bræða yfir minn, meira grænmeti og svo krydd... Fólk leit á mig sem snilling fyrir að detta þetta í hug...
Þegar minnka tók á grillinu þá gerði ég enn betur og spilaði út trompinu... ég henti á grillið safaríka nautasteik... létt grillaði þannig hún var enn baulandi... Ohhhh... Þetta var ekki einhver hágæða steik, heldur bara einhver ódýr sem ég fann á tilboði... en eftir að hafa eitt köldum vetri reynandi að gera eitthvað gott úr nautakjöti innandyra þá var þetta eins og sneið úr heilögum kálf... Hún var með gyllta áru og geislaði þokka... Ég skildi hana eftir á eldhúsborðinu í meira en sólarhring þannig hún var búin að brjóta sig vel og hver biti bráðnaði uppí manni... Maður hefði getað tuggið hana með augnlokunum...
Vorið er hér með komið... og það bragðast vel...

Það er Þorrablót á morgun...
Ég var stein búinn að gleyma því í ösinni en náði í gær að hringja og redda mér síðasta miðanum fyrir kvöldið...
Spurning hvaða næringu tókst að koma til Kanada... Ef eitthvað þá vona ég að það verði hangikjöt, lifrapylsa og harðfiskur... Mysan má hafa gleymst í farangursrýminu...
Eitt er víst... Lítill fugl hvíslaði að mér að það væri allavega hákarl... og svo dó hann úr lyktinni...

Yes...! Stutterma veður...!
Það er loksins orðið hlýtt og snjórinn farinn nema verstu skaflanir, en þeir hafa minnkað verulega (made a molehill out of a mountain)...
Það er svo gott að fyrsta grill ársins er eftir smá stund... heimavistin er að bjóða uppá fría hamborgara... Basicly þurrt brauð og brennt kjötfars... spurning um að koma með sitt eigið meðlæti til að bæta næringuna...
Hey...! *ljósapera!* Ég á steik...! Spurning um að skella henni á...! Yes...! Það kalla ég fyrsta grill ársins... Þvílík "ess" "enn" "illd"...!

OK... Núna eru lokaorð um safnsferðina... ég skal hafa þau stutt...
Er virkilega eðlilegt að þegar ég var labbandi um safnið að skoða dýrategundir þá var það eina sem ég gat hugsað var: "Hef ég étið þetta...?" eða "Get ég étið þetta...?"
Mikið öfunda ég Flintstones með sína "Brontosaurus burgers"...

Lokaorð um safnsferðina á föstudag...
Við vorum hópur af alþjóðlegum nemum sem fórum í einum skólastrætó... Við urðum að skrá okkur snemma því ferðin fylltist upp fljótlega...
Það varð náttúrulega að lesa upp listann í strætóinum til að vera viss um að allir væru með... En... af hverju þarf manneskjan með versta hreiminn alltaf að lesa upp listann...
"Hlakna...! Hlakna...!?!" Engin svarar... "Hlakna...! Hlakna Eytósan...!"
Ah... Ragnar Eyþórsson... Loksins skildi ég... "Yes... Plesent...!"

Váhá... er virkilega svona langt liðið síðan ég bloggaði síðast...? Það er ekki líkt mér að missa af þremur dögum í röð (hvað þá virkum dögum)... So sorry...
Málið er að ég er búinn að vera á bóla kafi í vinnu...
Ég vann allan laugardaginn við að klippa og komst ekki í blogg... Ég vann ennþá meira á sunnudag frá morgni fram að tíma á hádegi á mánudag án þess að sofa (en ég náði að gera þvottinn minn um 3:00 um nótt meðan ég vann) og fór svo strax í tökur fram á kvöld...
Ég náttúrulega stein lognaðist út af þegar ég loksins komst heim um 22:00 og fór svo snemma í tíma í morgun fram á dag og þá byrjaði ég í hljóðblöndun fram að kvöld...
Eftir svona góða törn þá ákvað ég að slaka á með því að fara í bíó...
En núna er ég loksins kominn bak við tölvuna og get byrjað að blogga... og... um... hef ekkert að segja... bjakk...

Stóð í gær í forn egypsku deildinni og var að rýna í einhvern áhugaverðan texta... Skyndilega finn ég að einhver ungur strákur byrjar að halla sér afturábak að mér... Ég lít niður hissa og bakka frá... *thump!* Strákurinn fellur afturábak eins og spýta... Hann lítur upp af gólfinu og sér mig... "Um, you're not my father..."
Maður gat náttúrulega ekki hugsað annað en "I don't know? Is your mother Icelandic...?" En maður segir náttúrulega ekki svona... ég veit hvort sem er hvar öll mín börn eru... Jók! ég á engin... nema hugmyndir mínar... og þau eru að vaxa úr grasi... *snökt* Oh they do grow up so fast *tár*...
P.S. Fyrir ykkur málfræði nasista þá veit ég að þegar ég segi "hugmyndir mínar" þá á að koma "ÞÆR vaxa úr grasi"... en ég er ennþá að tala um hugmyndir mínar sem "börnin mín" og "ÞAU vaxa úr grasi"... í raun eru þær (hugmyndirnar) að spretta upp úr sem bifukollur úr grasi allstaðar núna... Best að blása lífi í þær og sjá þær svífa um loftið og lenda til þess að búa til fleiri hugmyndir (ósköp er ég eitthvað skáldlegur í dag með allar þessar samlíkingar)...

Ég held að ég hafi skemmt mér betur en allir aðrir á safninu... Fyrir utan risaeðlur var margt annað að sjá og ég eyddi góðum tíma í hverri deild... svo miklum að ég náði ekki að klára fyrir lokun þó svo að ég hafði fjóra og hálfan tíma... Ég varð í lokinn að hlaupa í gegnum grísku og rómverku deildina skiljandi eftir skransför við hvern mun sem var verulega áhugaverður og svo spólför í burtu... ég hefði ekki átt að stoppa smá til að fá mér samloku... í staðinn fyrir að svelta líkamlega þá svelti ég hugann... "not my kind of "tradeoff""...
Hápunkturinn (fyrir utan risaeðlunar (þurfti varla að taka það fram)) var sérstök forn egypsk sýning... Fullt af hlutum allir raðaðir í tímaröð þannig maður sá hvernig menningin þróaðist yfir nokkur þúsund ár... Eitt hinsvegar sem mér fannst verulega skrítið... því níú af hverju 10 styttum vantaði nefið á (?!?)... Það var ekkert minnst á hvort það hafi brotnað af eða hvort það var viljandi brotið af af næstu kynslóð af faróum því oft skemmdu þeir sum eldri verk svo fólk myndi ekki muna eftir fyrri faróum sem voru oft litnir guðaaugum... Eða náttúrulega þá voru bara svona fáir með nef... áhugaverð kenning sem ég gæti staðfest með því að segja ég sá engin forn egypsk Kleenex box...

Í gær upplifði ég eitthvað sem ég hef ekki upplifað í langan tíma og hélt að ég myndi aldrei upplifa aftur...
Ég vissi að það kæmi strætó að sækja okkur til að fara með okkur á safnið í gær... en þegar ég sá hvernig strætó... ... ... "Förum við í þessum...? Nei hei...! Í alvöru...! Awesome...!"... Þetta var stór gulur skólastrætó eins og maður sat daglega í þegar ég bjó í U.S.A.... Ég hef ekki farið í svona í 17 ár...! Talandi um "Flashback" (fyrir utan að ég sá yfir sætin fyrir framan mig og fótarýmið var mun minna)... Ég umbreyttist strax í átta ára strák að fara í skólaferðalag... Svo komum við inná safnið og aldur minn breyttist ekki... og svo... *gisp*... Þarna voru RISAEÐLUR...!!! Jepps... ég var ennþá átta ára... Ég skemmti mér svoooooo vel...!
Þær voru flestar þarna af gamla genginu mínu, Stegasaurus, Triceratops, Tyranasaurus Rex, Allosaurus... því miður var bara hauskúpa þarna af uppáhalds risaeðlu minni Ankylosaurus... Það voru engar "Raptor" eðlur þarna (sem urðu svo vinsælar eftur Jurrasic Park (You're a sick Park)) en mér hefur aldrei fundist þær spes... og svo var pínu vonbrigði að sjá hvorki Brontosaurus né Diplodocus því þær eru sko RISAeðlur...
Að vísu var líka vonbrigði að sjá hvað þeirra Tyranasaurus Rex var lítil miðað við þá sem ég hef séð áður... Hún var meira svona Tyranasmárus Pex... HAHAHAHA... Hey, ef þið væruð átta ára líka þætti ykkur þetta rosa fyndið...

Er að fara á safn eftir smá stund... International deildin hér er að bjóða erlendum nemendum (að þeirra mati (það eru allir erlendir hér fyrir mér)) til The Royal Ontario Museum...
Það er rútuferð fram og tilbaka og miði á safnið frítt fyrir okkur... Það er að vísu glæný sýning á egypskum hlutum (ekki glænýjum egypskum hlutum) sem kostar 5 CAD en það er ekki nema um 260kr... vel þess virði...
Ég er því farinn... Góða helgi...
P.S. Ég vona það séu risaeðlur þarna... ohhhh....! (sumir hlutir í mér breytast aldrei)

Loksins er ég útsofinn... hef ekki verið það í laaaaangan tíma...
Á þriðjudag var ég að læra alveg fram undir morgun og fór ósofinn í tíma... Eftir það fór ég í tökur fram eftir degi og var svo að klippa fram á kvöld... Það vildi svo til að þessi miðvikudagur var St. Patrick's Day þannig maður varð náttúrulega að fara á skólakránna til þess að fá sér grænan bjór... Það kláraðist um tvö og ég fór heim til að sofa en þá vildi svo til að herbergisfélaganum langaði svo svakalega í Monopoly... Við spiluðum til fimm um morguninn þegar ég loksins náði að mala hann... Eftir það byrjuðum við að tala um hugmynd sem ég var með um handrit og spjölluðum til 7:30 um morguninn...
Þá loksins gat ég lagt mig í klukkutíma áður en ég fer í tíma... Eftir tímann fer ég í tökur til klukkan 8 um kvöld og kemst þá loksins heim til þess að slaka á...
Ég var þá orðinn svo dauð þreyttur að ég ákvað að fara ekki að sofa (skrítin logic)... Ég hélt mér vakandi til miðnættis því hefði ég sofnað fyrr hefði ég vaknað um miðja nótt... Þetta tókst ekki alveg því ég vaknaði glaðvakandi klukkan sex í morgun...
Ef gefnum ástæðum verður helgina því hin allra allra rólegasta til... Þökk sé heimsendingum og fartölvum get ég unnið á þess að stíga úr rúminu...

Fór í gær í eldhúsið til þess að elda mér pasta.. eins og vanalega verð ég að fara niður í anddyri til þess að ná í lykilinn til þess að opna eldhúsið... Svo tek ég saman hrúgu af dóti, mat og áhöldum til þess að elda með, krydda með og svoleiðis og drösla því í eldhúsið... Passa mig að gleyma engu því ég nenni ekki að labba aftur í herbergið mitt fyrr en allt er til...
Loksins er allt tilbúið (pasta bolognese með jalapeno (einfallt (en bragðgott)))... Ég byrja að drösla öllu aftur í einni ferð tilbaka nema núna held ég á tveimur heitum pottum fullum af mat líka... Ég kem að herbergi mínu og þá átta ég mig á því að ég gleymdi lyklinum að herbergi mínu... Eftir að reyna stara niður hurðina (tókst ekki (en hún blikkaði samt á undan)) þá verð ég að fara niður í andyri með allan matinn minn og áhöld og láta þau opna fyrir mig hurðina...
Mikið hafa fáir eitthvað sniðugt að segja þegar maður stendur með þeim í lyftuni með bullandi mat... "So what's cooking...?"
Að vísu fyllti ég gangana með góðum ilm og það er því nú næstum búið að fyrirgefa mér "The Blue Cheese Incident"...

Akkúrat mánuður í að ég legg af stað heim... Ég tek flug héðan til Boston laugardaginn than 17. apríl og flýg þaðan samdægurs yfir nótt og lendi sunnudagsmorgun þann 18. apríl... Ólíkt í fyrra þá ætla ég ekki að koma öllum á óvart með því að mæta nokkrum dögum fyrr... Ég get að vísu komið enn fyrr í ár því öll kennsla og verkefnaskil eru búinn vikuna áður og er síðasta vikan bara róleg þar sem við fáum afhent verkefni tilbaka og förum yfir allt efnið hjá öðrum og berum saman...
Ég þarf hinsvegar þessu síðustu viku til þess að ganga frá mínum "utan skóla" málum hér því það er ekki ein einasta sekúnda sem ég hef aflögu þangað til... Ég verð að pakka, ganga frá og svo redda stað fyrir allt mitt dót sem ég tek ekki með heim yfir sumarið... Eflaust eitthvað meira snatterí sem ég verð að gera...
Það er líka fínnst að aðeins geta undið af sér áður en ég kem heim... Ég verð í lokavikunni útkeyrðari en... um... eitthvað sem er keyrt rosa mikið út... eins og... Svei... Ég er frekar þreyttur núna... (insert own "útkeyrður" brandari hér)...

Það fer að styttast í lok annarinnar.. Öll loka verkefni fyrir öll fög eru kominn á skrið... Tökur hjá flestum voru að fara að hefjast á morgun eða hinn en svo vildi til að allt er nú komið á bólakaf aftur í snjó þannig tafir hafa skapast...
Fyrir vikið þá græðum við meiri undirbúningstíma til að setja upp "shotlist", "overhead layout" og "storyboard" þannig þegar við loksins komumst í tökur þá er allt 100%... Öll tökuvinnan verður léttari en hinsvegar mun klippivinnan og eftirvinnslan á öllum verkefnum þéttast saman í lokinn og yfirvinnan margfaldast...
Í anda sköpunarsögunar... Á fyrsta sagði hann "Verði mynd!" og myndin byrjaði að skapast... Á öðrum degi skrifaði hann... á þriðja degi skipulagði hann... á fjórða degi teiknaði hann... á bla bla bla bla bla... á o.s.frv.... ... og loks á tuttugasta og sjöunda degi hvíldi hann sig... mikið verður það gott...

Reddaði mér ævisögu Woody Allen í Toronto á aðeins 7 dollara... Mjög gott... verð að lesa hana fyrir mánudaginn... Mér hefur tekist að koma svo mörgum hér á bragðið með honum... Margt fólk hefur alltaf einhverja óstaðhæfandi fordóma og halda að það sem hann gerir er allt eins og hund leiðinlegt...
Ég hef afsannað það og nú þegar eru nokkrir að lesa ævisögu hans, enn fleiri að lesa smásögur hans og rosa margir að skrifa ritgerðir um kvikmyndir hans...
En aðeins einn skal feta í fótspor hans...! Dunn dunn dunnnn...!

Fór og fékk mér kjúklingavængi í kvöld eins og öll mánudagskvöld... Við fórum góður hópur af svöngum gaurum til Monhagans... Þetta er íþróttakrá og þeir voru að sýna í sjónvarpinu frá kraftakeppni...
Ég sá að það voru menn frá nokkrum löndum og ég horfi stolltur á hina gauranna og segi: "Oh, it's international... That means there's probably someone from Iceland there... Yeap, there he is... His name is John Haukspear (Jón Valgeir ("valur" er samt ekki "hauk" er það nokkuð?)) Your guy's in trouble... (Ég meina hvað annað gat ég sagt...)"
Keppnin byrjar og við fylgjumst með spenntir... Íslendingurinn er ekki alveg að standa sig... Tilvonandi herbergisfélagi minn Adam Snow klappar mér á öxlina og segir að Íslendinginum gengur samt frekar vel, hann er jú í fimmta til sjötta sæti ásamt öðrum... Jamm, en svo vill til að það voru aðeins sex keppendur... Íslendingurinn hafði ekki unnið einu einustu grein... þetta voru allt lyftingar greinar og hann náði aldrei þyngstu lóðunum upp...
Ég byrja að afsaka mig og segi að íslenskir keppendur séu meiri um úthald og hraða... Þá koma úthalds og hraða greinarnar... Íslendingurinn er lang hægastur með lélegasta tímann ef hann á annað borð nær að klára...
Til að gera málin verra þá mokaði Kanada maðurinn yfir alla hina í öllum öðrum greinum... Ég varð því að éta allt aftur ofan í mig... sem betur fer var smá afgangs gráðosta sósa og botnfylli af bjór til að skola niður skömminni...
Ég minnti þá samt á að Ísland vann Kanada í hokkí í kvikmyndinni Mighty Ducks 2... *stolt*...

Mér mistókst að sannfæra bekkjarsystur mína í gær um að setja ekki pinna í tunguna... Ég hélt að svona rosa sterk rök eins og "Þú getur ekki étið fastan mat í viku..." myndi virka á hvern sem er (eða virkar það bara á mig?)...
Ég tók Richard bekkjarfélaga minn með því hann á upptökuvél til að festa atburðinn á filmu... Þegar við komum á áfangastað mátti hinsvegar ekki filma sjálfa ísetninguna... Til þess að þetta var ekki fýluferð fyrir hann þá lét hann setja pinna í gegnum augabrúnina á sér þó svo ég reyndi að sannfæra hann um að gera það ekki... Rökin: "Þú getur ekki gefið blóð í hálft ár..." virkuðu ekki á hann...
Fyrir utan útlitslega gallan... er virkilega ekki til betri ástæður fyrir að gata ekki sjálfan sig... hvað með: "Gatið flautar í hvassvirðri..."

Er að fara til Toronto eftir smá stund með bekkjarsystur minni... Hún er að fara láta setja pinna í tungu sína og vantar "moral support"... fyrir utan það að hún kallar mig "stóra bróðir" sinn (hún er ættleidd frá Kóreu og hefur aldrei átt neinn (awww)) þá í raun held ég að hún valdi mig til að koma með því innst inni vill hún að ég tali hana frá því að gera þetta...
Ég er nefnilega svo rosalega "íhaldsamur" (tók mig 20 mínútur að muna þetta orð) og tel allar gatanir (nema eyru (og þá aðeins á kvenmönnum)) og tattú vera lýti (don't try to prove me wrong)...
Ég ætla svo að festa pinna ísetninguna á filmu því það setur meiri stress á hana þegar ég tek við hana viðtal á undan og kanski bakkar hún frá... nema náttúrulega að fyrst hún er kominn á filmu þá finnst hún að hún sé knúin til að klára þetta...
Anyway, þá er ég farinn...
P.S. Er náttúrulegt er ég skyndilega byrjaður að hugsa svo mikið um pinna mat...? *hrollur*...

Fór í samkvæmi í gær... Fékk að heyra 10 sinnum spurninguna: "So Iceland is green and Greenland is Ice...?"
Eins þreytandi og þetta er þá samt gat ég aldrei fengið mig til að bulla eitthvað um snjóhús, mörgæsir, ísbirni og svoleiðis... Mér finnst alltaf eins og ég verði að láta alla vita hvað Ísland er frábært... Ég verð að fræða alla um landið og bla bla bla... Ég er eins og gangandi ferðaskrifstofa hér...
Það kom að mér gaur og sagðist hafa lesið fjagra blaðsíðu grein um Ísland í dagblaði... en hann lærði ekkert nýtt því hann hafði heyrt þetta allt í fyrsta sinn sem hann hitti mig...
Ég held að ferðamanna iðnaðurinn mun blómstra á komandi árum með mig hér...

Lokaorð í bili um mat (fer að verða þreytt bloggefni, virðist alltaf vera endurtaka mig)...
Eftir spjall við foreldra mína þá er endanlegur listi yfir dýr sem ég hef étið kominn (ég var búinn að steingleyma sumu)... OK, ekki alveg endanlegur listi því ég tel ekki með fisktegundir því ég þarf að hugsa aðeins um hvaða tegundir það eru... Sumt af þessu er sama tegund (t.d. lamb og hrútur) en ég tel bæði með því bragðmunurinn var verulegur...
Let's go...
Langreiður, Sandreiður, Hrefna, Háhyrningur, Hnýsa, Höfrungur, Selur, Hreindýr, Dádýr, Elgur, Sauðnaut, Uxi, Hestur, Folald, Kengúra, Gíraffi, Krókódíll, Hundur, Kanina, Heri, Geit, Naut, Kálfur, Svín, Hrútur, Lamb, Emu, Gæs, Önd, Rjúpa, Lundi, Lynghæna, Æðakolla, Svartfugl, Kalkúnn og Kjúklingur...
Ég virðist vera mjög ofarlega í fæðukeðjunni... en... núna er spurning... Hvaða dýr á listanum myndi éta annað dýr á listanum... eða éta mig...?

Váhá... Þetta er svakalegur listi af dýrum sem við fjölskyldan höfum étið... Skrítið ef okkur yrði nokkur tíman hleypt aftur inní einhvern dýragarð...

Komust í dag að niðurstöðu fyrir lokaþáttinn okkar í sjónvarpsverinu... Þetta verður spjallþáttur með tveimur gestum og svo myndefni sem við tökum upp fyrir lokatökurnar...
Við hefðum getað gert eitthvað frumlegra en það er ekki verið að dæma okkur eftir því... Það er verið að sjá hvort við getum unnið í sjónvarpsveri og sinnt okkar störfum vel og því er gott að hafa fast mótað form sem við könnumst við og getum afrekað snilldarlega...
Næst á dagskrá, handritsgerðin... við erum fjórir saman... Mig hefur alltaf langað að skrifa svona "opening monologe" eins og Jay Leno fer með í byrjun hvers þáttar... Sjáum hvernig það gengur...
Við verðum meira segja með dósahlátur...! Hmmm... spurning hvort ég get fundið leið til að enda öll mín blogg á svoleiðis...*hahaha**klappklapp**hahaha*

Spurning til pops...
Borðaði ég þurrkaðan krókódíl þegar þú komst frá Ástralíu...? Ég er nær alveg viss um að þú komst bara með þurrkaðan emu og kengúru... Ég hef kannski nagað eitt eða tvö krókódílabelti...
Og með hvalina sem þú minntist á: Langreyði, sandreyð og hnýsu... Hvað með Hrefnu...? Eða er það bara annað nafn á einhverjum af þessum hvölum...? Og hvaða hvalur var það sem var alltaf borðaður súr...
Einnig... hef ég nokkur tímann smakkað kanínu eða héra heima...? Það er nefnilega svo margar tegundir af mat sem hafa verið á boðstólum heima að ég á erfitt með að muna...
Bið að heilsa...
Raggi

Mér hlakkar svo til... Í kvöld er ég nefnilega með kjúkling... Þetta væri vanalega ekki tilhlökkunarefni en fyrst að þetta leiðindar "George Forman grill" er bilað verð ég að elda kjúklinginn í eldhúsinu hér á hæðinni...
Oh, allir þessir möguleikar sem ég get gert... en í endandum hef ég ákveðið að steikja kjuklinginn í bitum með sterkri sósu, steikja austurlenskt grænmeti og lauk og sjóða svo núðlur og steikja í soya og hræra öllu saman... Mmmm...
Ef þetta er ekki stórt stökk uppfrá "Ég ætla að smyrja kjúkling með sinnepi og brenna hann til óbóta í grillinu" þá veit ég ekki hvað...

Jæja, þá er það ákveðið... Ég er leikstjórinn á lokaverkefninu í sjónvarpsverinu... Ég kaus að leikstýra ekki jólaverkefninu því þá hefði ég ekki getað leikstýrt þessu sem er mun stærra í umfangi...
Þetta er hálftíma þáttur sem á að byggjast upp af myndefni í sjónvarpsverinu (s.s. kynnir, viðtöl o.s.frv.) og svo myndefni sem við tökum upp utan tíma, klippum og bætum inní... En allt þarf að hafa ákveðna sameiginlega heildar mynd...
Fyrir morgundaginn þá þurfa allir að koma með hugmynd af þætti og svo þremur atriðum sem skal taka upp og bæta inní...
Ég náttúrulega hugsa upp eitthvað en endilega komið með fleiri hugmyndir sem gætu kryddað þáttinn og gefið honum bragð...

Ég er kominn með herbergisfélaga fyrir næsta ár... Jonathan herbergisfélagi minn núna er nefnilega bara í eins árs kúrs þannig hann verður ekki hér...
Gaurinn sem flytur inn með mér er með mér í mínum kúrs en samt ekki í mínum bekk en þegar við veljum frekar okkar svið í geiranum þá verðum við eflaust báðir í handritsgerð og leikstjórn...
Fyrir utan hvað þetta er góður fýr þá er annar góður kostur er að hann á sinn eigin bíl og vinnur í No Frills (sama og Bónus heima) þannig matarinnkaupinn verða vonandi ódýrari...svo á hann fullt af húsgögnum og mjög gott DVD safn... en... best af öllu... hann heitir Adam Snow...!
Sjáiði fyrir ykkur dyrabjölluna... Ice and Snow...! Frábært...!
Við ætlum samt að finna einn herbergisfélaga í viðbót... ætli það sé einhver Jack Frost í nágreninu...?

Fór í mallið á laugardag... Sá þar Monopoly og Scrabble á rosa rosa frábæru tilboði þannig ég keypti bæði... Einn galli samt við enskt Scrabble er að það er með svo svakalega mikið af bókstafnum "E"...
Useless trivia 1: Þegar Scrabble var fyrst hannað tók höfundurinn nokkrar blaðsíður af New York Times og taldi hversu oft stafirnir komu fyrir og notaði það hlutfall til þess að ákveða fjölda stafanna í spilinu...
Useless trivia 2: Eitthvað fyrirtæki hafnaði að gefa út Monopoly af þeirri forsendu að það var of flókið, of langdregið, engin almennilega markmið, engin byrjunarreytur og endir heldur fer þetta bara hring eftir hring... Höfundurinn fór með það til annars fyrirtækis sem gaf það út og Monopoly varð söluhæsta spil í heimi... Slæm ákvörðun hjá fyrra fyrirtækinu...

Var að bæta nýju dýri á lista minn yfir þau sem ég hef étið... Á kóreska veitingarstaðnum fékk ég mér uxa... í raun uxatungu og uxalifur...
Verð að fara skrifa öll dýrin upp fyrst ég er með ágætis úrval sem aðrir eru ekki með...
Þau sem standa ofarlega: Háhyrningur, höfrungur, kengúra, gíraffi, hundur...
Óskalisti: Krókódíll, björn og eflaust margt annað...
Það verður svo gaman að bæta fleira og fleira á listann með árunum og sjá hann stækka... Samt, eins mikið og ég elska að éta og smakka nýjan mat þá er ein tegund sem er eftir að bæta sjaldnast á listann... það eru hryggleysingjar...
... og ég vill heldur ekki sveppi...! Þeir eru hvorki dýr né planta og ég treysti þeim ekki... Ég held þeir eru að fela eitthvað...

Ætlaði að fara að elda mér pasta, hakk og sósu áðan... Vanalega skelli ég hakkinu á "George Forman Grillið" og læt það mallast uns það er hart, brennt og bragðlaust... svo dembi ég því með pastanu, opna svo dós af pasta sósu, helli yfir og hræri... ekkert spes en þetta er allavega næring...
Í dag hinsvegar þegar ég var að fara byrja þá virkaði ekki grillið... who knows why...? Eflaust ofnotkun... Þannig ég neyddist til að fara í anddyrið og fá lykil að eldhúsinu hér á hæðinni... Svei... eitthvað sem ég hef ekki notað nema einu sinni og það á fyrsta degi hér...
Ég bursta rykið af pönnu sem við höfum og drösla öllu eldunardótinu milli herbergja... *pirr*... Ég byrja að steikja og verð að standa yfir pönnunni *andvarp*... fyrst pannan er svo stór áhveð ég að setja nokkra jalapeno með... sniðugt... steiki hakkið... það brennur ekki...? krydda... hmmm..? lítur frekar vel út... Helli sósunni yfir pönnuna og læt þetta malla saman... flott... fínkrydda aðeins meira... fínt... smakka... Váhá...! Frábært...! og þetta var bara það aleinfaldasta pasta sem ég geri... ég get gert margfallt betra...
Ég trúi ekki að ég hef sleppt að elda svona allan þennan tíma... Ég elska að elda og með þessu leiðinda grilli hef ég sleppt einni af skemmtilegri stundum dagsins og hef étið margt undir meðalmennku... En þetta tímabil er liðið...! Núna hefst alvöru eldamennskuna...! Niður með grillið og örbylgju ofninn... Upp með potta og pönnur...
Nú skal ég finna mér góða svuntu... Einhverja með sniðugri áletrun... eða jafnvel bara "Kiss The Cook", hef alltaf langað í svoleiðis... eða... ætli sé til "Cook The Kiss"...?

Váháhá... og frábært...
Ég var að taka besta (lang besta) og skemmtilegasta (lang lang lang skemmtilegasta) próf á netinu...
Þið vitið hvað ég er mikill 80's aðdáandi í sjónvarpsefni, menningu og tónlist... Þá fann ég próf sem lét mann giska í eyðurnar í 80's tónlist... og þetta er stórt (STÓRT) og almennilegt próf... Ég vildi ekki eyða of miklum tíma og fór í gegnum það á sæmilegri ferð... en það er svo (svo svo svo svo) langt síðan að ég hef virkilega rembast á heilastöðvinum að þetta var algjör snilld (SNILLD)...
Ég hef aldrei verið eins "frústúreraður" yfir að hafa ekki geta svarað einhverju og skilað auðu... og ég meina virkilega (no joke (VIRKILEGA)) að ég hef aldrei verið eins "FRÚSTRÚREÐUR" yfir að svara ekki einhverri spurningu...
Ég fékk samt sæmilega útkomu.... en ég er viss, hefði ég gefið mér tíma... þá hefði ég getað betur...
Hér er útkoma mín... 110,5%

Vorið var svo svakalega komið... Á föstudaginn fór ég til Toronto bara í þunnri peysu (tók samt jakka (just in case (oh já, og ég var í buxum og fleira))) með Trishja, kóreskri bekkjarsystur og Richard bekkjarbróður... Við fórum á Kóreskan veitingarstað þar sem var "All You Can Eat Barbeque" (hef minnst á þennan stað áður)...
Í gær var glampandi sól og yndislegt að vera úti... skrapp í mallið á peysunni (ekki sömu peysunni (og öllu hinu (bla bla bla)))...
Í dag ætluðum við að taka aðeins upp úti í blíðunni... Hvað gerist... Þá kyngir niður svo svakalega mikið af snjó í svo stórum kornum að þrjú saman mynda skafl...
Jamm, þetta mun ég kalla snjókomu... og komu snjókalla...

Skrítið... Það gat engin svarað líkinda og stærðfræðisæminu úr lífi mínu sem ég setti fyrir nokkrum dögum... Kannksi er það gott... ég var nefnilega byrjaður að halda ég væri svo fyrirsjáanlegur...
Allavega, hér er dæmið og útkoman...
5 kvikmyndanemar
+ Verkefni skal skilað klukkan 9:00 í hljóðfræði tíma
+ 4 tímar af tökum
+ Allir klippa alla nóttina
+ Í litla herbergi mínu
+ Engin fær svefn
+ Geðveik tímaþröng
+ Við rétt náum allir að klára 8:59
Tímanum er aflýst..
Ég veit ekki... persónulega finnst mér þetta týpískt...

Hér er smá stærðfræði og líkindadæmi úr heimi mínum...
5 kvikmyndanemar
+ Verkefni skal skilað klukkan 9:00 í hljóðfræði tíma
+ 4 tímar af tökum
+ Allir klippa alla nóttina
+ Í litla herbergi mínu
+ Engin fær svefn
+ Geðveik tímaþröng
+ Við rétt náum allir að klára 8:59
Hver er útkoman...?

5:10 og við erum ennþá að vinna... svo verður eflaust ein en vökunótt á fimmtudegi...
Í gær var líka vökunótt en svo átti ekki að vera... Ég var kominn á góðum tíma í rúmið en ég fékk stanslausa truflun...
Fyrr um daginn hafði nefnilega fengið gefins frá rússneskri starfssystur minni "Tamagotchi" ("vitual pet" fyrir hina fáfróðari ("sýndargælidýr" fyrir fáfróðustu))... Hún hafði fundið nokkur þannig í skranbúð og fannst sniðugt að gefa hópfélögunum...
Ég ræsti dýrið um daginn (sem vildi til að var mörgæs), gaf því að borða, lét það kúka (já það skilur eftir "virtual poop") og gaf því meira að borða... Svo sofnaði það og ég lét það vera...
Hinsvegar er skeppnan greinilega á japönskum tíma því það vaknaði um leið og ég var að sofna og byrjaði stanslaust að pípa á mig... Ég hunsaði það því það þagnaði en þegar var alveg að sofna þá pípir það aftur... Ég var of þreyttur til að gera eitthvað þannig ég lét það þagna en náttúrulega þegar ég er að sofna þá *píp**píp**píp*...
Eftir þetta tók þróskan við... Ég ætlaði ekki að láta dýrið buga mig (auk þess sem það er skrúfað saman með heimsins minnstu skrúfum og ekki séns að slökkva á því)...
Loksins sofna ég litlum svefni og vakna þreyttari... ég skoða skeppnuna en þá er hún strokin...! Hún fékk nóg af því að hanga þarna og stakk af... bara tómur skjár með fýlumerki...! Ósvífnin...!
Ég hefði átt að éta skeppnuna meðan ég hafði tækifæri til... en það var vissara að gera það ekki... þið vitið hvernig það er með tölvuflögur... um leið og maður borðar eina flögu þá vill maður strax aðra (vá, tóks að búa til "pun" sem er virkilega hægt að þýða orðrétt yfir á ensku (og er jafn léleg))...

Vann mér inn kleinuhring í dag... Í tölvutíma þá var vorum við í fyrsta tíma af Adobe After Effects forritinu... einföld útskýring væri að lýsa því sem Photoshop fyrir myndefni...
Allir voru mjög spenntir og við gerðum ýmsar kúngstir...
Kennarinn sagði í lok tímans að ef einhver gæti leyst ákveðna þraut fyrir næsta tíma með forritinu þá fengin hann frían kleinuhring... Áður en fólkið náði að pakka kláraði ég verkefnið og ég fékk minn kleinuhring viku fyrir en ella... Eins gott því vanalega eru vikugamlir kleinuhringir ekkert góðir... Samt... úrvalið af kleinuhringjum hér er svo mikið að ég er næstum viku að velja...

Komst ekkert í að blogga á miðvikudegi vegna mikilla anna... Var að taka upp með mínum hóp strax eftir tíma til 18:00 (tökumaður, leikstjóri)... aðstoðaði svo annan hóp til 22:00 (leikari)... Horfðum svo á tvær kvikmyndir fyrir skýrslugerð... og núna sitjum við fimm í litla herbergi mínu hver með sína fartölvu og erum að klippa myndefnin okkar...
Ég er búinn að klippa mitt efni en hin hópurinn er ennþá að klippa með aðstoð minni atriði þar sem ég leik geðveikann mann... Ég enda meira að segja í spennitreyju...
Samt, ef ég væri enn ekki að hjálpa þeim væru þeir allir í spennutreyju... (en ég er samt alveg að fara lenda í einni fyrst)...

Heimanám framundan... Er ennþá að skrifa mikið af handritum og hugmyndum fyrir það... æðislegt... Þarf að teikna "storyboard" fyrir ljósmydnaverkefni og loks sjá fjórar heimildarmyndir og skrifa blaðsíðu langt "journar entry" um hverja þeirra...
Hinsvegar má heimildarmyndin líka vera "mocumentary" þannig ég á framundan mjög gott DVD gláp...
Mynd 1: Take The Money And Run, fyrsta myndin sem Woody Allen leikstýrði.
Mynd 2: Spinal Tap, fyrsta myndin sem Rob Rynar leikstýrði (Prinsess Bride, When Harry Met Sally)
Mynd 3: FUBAR. EInhver kanadísk mynd sem allir eru að tala um sé æði.
Mynd 4: The Office. Breska sjónvarpvarpsserían sem tók Golden Globe fyrir bestu gaman seríu og besta gamanleikara.
Allt þetta er "mocumentary" og hver önnur meiri snilld en sú fyrr (veit samt ekki með FUBAR en ég vona að orðrómarnir séu réttir)...
Núna vantar bara gott íslenskt orð yfir "mocumentary"... "Spémildarmynd" einhver...?

Þarna mjóaði munu... Í dag kusu kennarar um hvort þeir ættu að fara í verkfall... 85% sögðu já...
Ef kæmi til verkfalls myndi önnin jafnvel lengjast til að bæta upp fyrir námstapið og hefði það farið ílla með mig því ég á flug heim daginn eftir kennslu...
En, það var keyrt hratt í samningsviðræður og allt var leyst á mettíma... Ekkert verkfall, engin framlenging og þið sjáið mig á réttum tíma...
Samt, hefði komið til verkfalls þá voru nokkrir kennarar hér í tímabundnum samningum og myndu koma inn, aðrir tveir gætu ekki kennt lengur ef það yrði framlenging og kæmu inn, aðrir redduðu afleysingjum í formi gamalla nemanda og ég sagðist mynda kenna tölvufræðina... Í raun væri bara einn tími sem hefði fallið út... einmitt tíminn sem allir eiga mesta heimanámið í... sömuleiðis hér þannig ég ætla að hætta að sitja hér og blaðra... vinna vinna vinna...!

Gleymdi að tala um í gær hvað ég stóð mig vel í Óskarsverðlaunapottinum... Var í 3. sæti af frekar mörgum með 14 atriði rétt... Það voru engin verðlaun sem komu manni á óvart... Ég hefði getað verið með 16 rétt en ég vildi ómögulega að Renee Zelweger ynni og þó svo ég vissi að Sean Penn myndi vinna þá bara vildi ég svo ynnilega sjá Bill Murray handfjatla gullnagaurinn...
Kvöldið var hinsvegar svo mjög skemmtilegt því við söfnuðumst mörg saman til að horfa og er þetta því fyrtsa Óskarsparrtý sem ég hef farið í... Það sem hefur komið nærst þessu er þrír gaurar, fullir kaffibrúsar og kíló af snakki... Óskarinn á Íslandi...
Það breytist þegar ég verð þarna...

Óskarinn í gær... FRÁBÆR skemmtun....
Einn brandari sló öllum öðrum við... en merkilegt að í kvikmyndanámi sem ég er þá var virkilega fólk sem fattiði hann ekki... ... ...OK... ef þið fattið ekki, látið mig vita og ég skal útskýra... ... ... Tilbúin... ...!?!
The competition is so fierce.... Peter Jackson woke up with Seabiscuts head in his bed...
AHAHAHAHAHAHAHAHAHAHA.....!!!!
SNILLD....!!!